સેશન્સ કોર્ટ

"(૧) રાજય સરકાર દરેક સેશન્સ વિભાગ માટે એક સેશન્સ કોટૅની સ્થાપના કરશે.

(૨) દરેક સેશન્સ કોટૅના ઉપરી તરીકે હાઇકોટૅ નીમેલા જજ રહેશે.

(૩) હાઇકોટૅ સેશન્સ કોટૅની હકુમત ભોગવવા માટે વધારાના સેશન્સ જજ અથવા મદદનીશ સેશન્સ જજ પણ નીમી શકશે.

(૪) એક સેશન્સ વિભાગના સેશન્સ જજને બીજા વિભાગના સેશન્સ જજ તરીકે હાઇકોટૅ નીમી શકશે અને તેમ કરવામાં આવે ત્યારે હાઇકોટૅ ફરમાવે તેવા બેમાંથી કોઇ વિભાગમાંના સ્થળે કે સ્થળોએ તે કેસોના નિકાલ માટે પોતાની બેઠક રાખી શકશે.

(૫) જયારે સેશન્સ જજનો હોદ્દો ખાલી પડે ત્યારે વધારાના સેશન્સ જજ તરીકે કે મદદનીશ સેશન્સ જજ દ્રારા અથવા જો કોઇ વધારાના કે મદદનીશ સેશન્સ જજ ન હોય તો સેશન્સ વિભાગના ચીફ જયુડિશિયલ મેજિસ્ટ્રેટ દ્રારા કે સેશન્સ કોટૅ સમક્ષ હોય તે અથવા કરી શકાય તે અથવા અનિણિત હોય તે તાકીદની કોઇ અરજીનો નિકાલ કરવા માટે હાઇકોટૅ વ્યવસ્થા કરી શકશે અને તે દરેક ન્યાયધીશ કે મેજિસ્ટ્રેટને એવી કોઇ અરજીનો નિકાલ કરવાની હકુમત રહેશે.

(૬) સેશન્સ કોટૅ પોતાની બેઠકો સામાન્ય રીતે હાઇકોટૅ જાહેરનામાથી નિર્દિષ્ટ કરે તે સ્થળે કે સ્થળોએ રાખશે પરંતુ કોઇ ખાસ કેસમાં સેશન્સ કોર્ટનો અભિપ્રાય એવો થાય કે સેશન્સ વિભાગમાં બીજા કોઇ સ્થળે પોતાની બેઠક રાખવાથી પક્ષકારો અને સાક્ષિઓને અનુકૂળ થશે તો તે કેસનો નિકાલ કરવા અથવા તેમાના કોઇ સાક્ષિ કે સાક્ષીઓને તપાસવા માટે ફરિયાદ પક્ષ અને આરોપીની સંમતિથી તે તેવા સ્થળે બેઠક રાખી શકશે.

સ્પષ્ટીકરણઃ

જયારે કોઇ કાયદા હેઠળ સરકાર માટે કોઇ વ્યકિતની પ્રથમ નિમણૂક સ્થળ નિયુકિત કરવાનુ અથવા તેને બઢતી આપવાનુ આવશ્યક હોય ત્યારે આ અધિનિયમના હેતુઓ માટે નિમણૂંક માં સંઘના અથવા રાજયના કામકાજ સાથે સંકળાયેલી કોઇ સેવા કે જગ્યા અંગે સરકારે તે વ્યકિતની કરેલી પ્રથમ નીમણૂક સ્થળ કે નિયુકિત કે આપેલ બઢતીનો સમાવેશ થતો નથી."